Gordailura bisita, Arrikrutzeko lehoiaren hezurdura ikusteko

Hamar urte dira Arrikrutz-Oñati kobak bisitariendako ireki zirela eta X. urteurrenaren harira, hainbat ekintza antolatu ditu Oñatiko Turismo Bulegoak. Horietan bereziena zapaturako prestatu da; hain zuzen ere, jatorrizko lehoiaren hezurdura ikusteko bisita antolatu da Irungo Gordailura. Hara joateko autobusa egongo da. Izen-ematea zabalik dago Turismo Bulegoan.

09:00etan irtengo da autobusa Korreosetik, zapatuan, ekainak 10. Irunen dagoen Gipuzkoako Ondare Bildumen Zentroan dago Arrikrutzen aurkitu zuten pleistozenoko leizeetako lehoiaren hezurdura eta haren nondik-norakoak kontatuko ditu bertatik bertara Asier Gomez paleontologoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.