Markez eta Landa, Julen Gonzalez eta Aitor Zabaleta onenak Errekaldeko goitibehera jaitsieran

Maite Txintxurreta 2017ko mai. 28a, 20:50

Gaur arratsaldean Oñatiko Errekalde auzoko jaietako hitzordurik garrantzitsuenetakoa izan da Moiua kaleko aldapan: 8. Goitibehera txapelketa. Abiaduraren maitaleendako ikuskizun polita eskaini dute pilotuek. Neumatika, goitibehera arinak eta Drift Trike kategorietan lehiatu dute.

Neumatika kategorian, Julen Markez eta Beñat Landa bergararrak izan dira azkarrenak Errekaldeko aldapan behera, 56,176 segundotan osatu dutelarik helmugarainoko ibilbidea. Kategoria bereko bigarrenak Ibai Zumalakarregi eta Ibai Ajuriagoikoa izan dira 0,133 segundoko alde txikiarekin. Podiuma Samuel Torricok eta Aritz Larrinagak osatu dute.

Goitibehera arinei dagokionean, Julen Gonzalez izan da azkarrena, 01:00.683-ko denborarekin. Txapeldunordea Aaron Delgado izan da (01:01.598), eta haren ostean Ander Odriozola (01:04.466).

Bukatzeko, Drift Trike kategorian ere bergarar bat izan da garaile, Aitor Zabaleta, atzo Gorlako auto igoera irabazi zuen pilotu ezagunaren semea, hain zuzen. 01:16.435-ko denbora egin du Zabaletak. Kategoria berean bigarrena Ibai Urrutia izan da, txapelduna baino 0,97 segundo beranduago helmugaratu dena. Hirugarren postua, berriz, Aritz Etxaberendako izan da (01:17.583).

Antolatzaileek proban izandako giro ona nabarmendu dute, eta pozik agertu dira, bai pilotuek eman duten mailarekin, baita gerturatu den ikusle kopuruarekin ere.

Erlazionatuak

Abiadura izan da protagonista Errekalden

Maite Txintxurreta 2017 mai 28 Oñati

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak