Pedro Solis-ek zuzendutako filma honek sari asko jaso ditu. Bere etxean bizi izandako esperientzia baten emaitza da film hau eta nola eta zergatik egin duen azaltzeaz gain, transmititzen dituen baloreez ere hitza egingo dute emanaldiaren ostean. Gurpildun aulki batean dagoen mutiko baten istorioa kontatzen du Cuerdas film laburrak. Umezurztegi batera iristen da eta han Maria izeneko neskatila bat ezagutuko du.
Bi emanaldi egongo dira Santa Ana aretoan: lehenengoa, 15:00tan, Oñatiko hiru eskoletako 5. mailako ikasleentzako da eta bigarrena, 19:00tan, ikusle guztientzat irekia eta doan.