Argenton sur Creuseko –Frantzia– hogei ikasle eta bi irakasle daude Oñatin, Urgainekin adosturiko ikasle trukea dela-eta. Astelehenean, hilaren 24an, iritsi ziren herrira; zapatura arte egongo dira bertan.
Gaur, eguena, Arantzazu inguruak bisitatu dituzte: Arantzazuko eliza, Gomiztegi eta Arrikrutz. Bihar, bestalde, Gasteizera egingo dute irteera.
Urgainek, duela hiru urte ekin zion Frantziako ikasleekin elkartrukeak egiteari; batxilergoko lehen mailako ikasleek esku hartzen dute egitasmoan.
Ostera, maiatzaren 30ean, Argenton sur Creusera joando dira oñatiarrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.