Arranoaitzera, Altsasuko herriari elkartasuna adieraztera

Goizeko bederatzietan atera dira herriko plazatik. Taldean, oñatiarrak, eta baita Soraluzeko eta Bergarako lagun bana ere. "Altsasuko herriari elkartasuna adierazteko" ekimena izan da gaurkoa. Utzi Altsasu bakean eta Euskal Preso eta iheslariak etxera zioten banderolekin igo dira mendira. Altsasuko herritarrek emandako banderola beltz bat Arranoaitzen bertan utzi dute. Datorren zapatuan, hilak 18, 11:30ean kultur etxean, hitzaldia egingo da helburu berdinarekin. Orduan, Altsasuko herritar talde bat etorriko da, herrian bizi duten egoeraren berri ematera.