Fagorrek Bratislavako feria baten zeukan standean ateratako argazki batek polemika piztu du sare sozialetan. Bertan, gerritik gora biluzik dagoen emakume bat ageri da gorputza Fagorreko logotipoarekin margotuta duelarik. Eslovakiako hornitzaileen ekimenez egin zela azaldu, eta konturatu orduko neurriak hartu zituztela jakinarazi du talde kooperatiboak, twitter bidez zabaldutako oharrean.
Gaur kaleratutako oharrean azaldu dutenez "atsekabetuta gaude gure markaren eta balioen erabilpen desegokiagatik". Horrez gain emakumezko eta gizonezkoen berdintasunarekin duten konpromisoa berrestu dute oharrean.
Euren onarpenik gabe egindako ekintza dela adierazi dute. Bertan zegoen Fagorreko arduradun batek gertatutakoa ikusi eta segituan neurriak hartu zituen erabilpen sexista zuen ekintza publizitarioa eten eta ardurak eskatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
