Antolatzaileen hitzetan, "helburua, euskal errepresaliatuen eskubideen aldeko ekimenen honek, ahalik eta jende gehien batzea" izango da. Izen ematea www.herrikrosa.eus webgunearen bidez egin ahal izango da. Ekainaren 2ra arte egongo da zabalik inskripzioa 12 euroren truke. Gainera, lasterketetan apuntatzeaz gain, bazkari herrikoirako era izena eman daiteke 15 euroren truke (bazkari begetarianoa ere aukera daiteke).
Ibilbideak: Korrikan arituko direnek, bi ibilbide izango dituzte aukeran: 8,3 kilometroko luzea edo 2,9 kilometroko motza. Aurrenak, ibilbide "benetan erakargarria" eskainiko du, antolatzaileen esanetan, herriko kaleetan aritzeaz gain, Oñatiko hainbat auzo zeharkatuko baititu, San Martin, Murgia, Olabarta... Ibilbide motza, erdigunean egingo da, eta Errekalderako igoera izango da zirkuituko puntu gorenena.
Patinen lasterketak, azkenik, 9,2 kilometro izango ditu eta patinatzaileak ez dira herri barruko mugetatik irtengo. Guztietan, herriko plaza izango da abiapuntu eta amaiera gunea.
Informazio gehiago, www.lasterbidean.eus webgunean.
