Kontzertu honen helburuetako batzuk dira, besteak beste, otsailaren 4ean eta 5ean Andoainen egingo den 12. Piano jaialdian parte hartuko duten ikasleen prestakuntza sakontzea eta eszenatokian trebetasuna lantzea. Kontutan izan behar da ikasle batzuentzat lehenengo aldia izango dela publiko aurrean azaltzea.
Oñatiko 10 piano ikaslek hartuko dute parte jaialdian, Ainhoa Galdos eta Arantzazu Saiz irakasleen gidaritzapean.