Lehenengo zatian 20 puntu bakarrik lortuta irabazteko aukerarik ez du izan Natra Oñatik: 52-62

Lehenengo eta bigarren laurdenean ez dira oso fin ibili oñatiarrak erasoko jokaldietan. Bigarren zatian erritmoa aldatu dute eta erasoko portzentajeak hobetu arren, defensan egindako akatsen erruz, ezin izan diote buelta eman markagailuari eta Urdanetak irabazi du partidua.

Sailkapenean antzera ibili arren – Urdaneta zortzigarren eta Natra hamargarren–, bizkaitarrek puntu sasoi hobea erakutsi dute Zubikoan. Zortzi jokalarirekin bakarrik gai izan da lehia gura zuen lekuan mantentzeko. Lehenengo bi laurdenetan 13 puntuko abantaila lortu dute, erasoan jokaldiaz landuz eta defentsa sendoa eginez: 20-33.

Hirugarren laurdenean beste aldarte batekin irten dira oñatiarrak kantxara. Erasoan ideia garbiekin eta saskiratze onekin. Baina, defentsan akats gehiegi egin dituzte, eta bizkaitarrek oso ondo aprobetxatu dute kontraerasoa markagailuko abantaila mantentzeko– beti izan da hamar puntutik gorakoa–. "Asier de la Iglesiak ez du egun ona eduki eta gainerako jokalariak kutsatu egin dira. Dena den, urteko lehen partidua izan da. Aurrera jarraitu behar dugu. Lehen itzulia bukatzeko bi partidua falta zaizkigu eta oraindik gauza politak egiteko gai garela esango nuke", aipatu du Aitor Ugarte entrenatzaileak.

Argi barik

Lehia bukatzeko 10 segundo falta zirela, derrepente, argiak itzali dira Zubikoako kantxan. Argia piztu eta martxan ipintzeko 20 minutu behar zirela kontuan hartuta, bi taldeek eta epaileek, argi barik jokatzea adostu dute. Natrak itzaletan lortu zuen azken saskiratzea.

MU eta Soraluze

Bestalde, aste bukaeran jokatu dituzte 2017ko lehenengo partiduak MUk eta Soraluzek. Biek ala biek, irabazi egin dute. Arrasatearrek Basket Burgosen kontra 70-75, eta bergararrek Ordizian, 52-63

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.