'Kalera Kalera' ekimena iritsi da Oñatira ere, itxialdi, hitzaldi, bazkari eta kontzertuekin

Euskal Herriko preso eta iheslari ohiek antolatu dute presoen aldeko 'Kalera Kalera' ekimena eta Oñatin atzo hasi zituzten ekimen horren baitako ekintzak. Besteak beste, itxialdia egin dute udaletxean eta gaur Aiert Larrarte abokatuak hitzaldia egin du Kultur etxean. Gero bazkaria egin dute gaztetxean eta 22:00etan What a Band eta Mary May entzuteko aukera egongo da, gaztetxean.

Egubakoitzeroko elkarretaratzearen ondoren triki bertso poteoa egin zuten eta gauean itxialdia egin dute udaletxeko pleno aretoan. 20 lagun batu dira itxialdira. Gaur, berriz, Aiert Larrarte abokatua izan da kultur etxean hitzaldia egiten. Larrartek, unean uneko egoera juridikoak presoen egoeran zein eragin izan duen azaldu du oso modu argian. "Legeak aldatu egin dira eta atxilotuek unean uneko egoera judizialaren araberako zigorrak jaso dituzte. Bada, aldaketa horien eta gaurko egoeraren berri eman du Larrartek oso modu didaktikoan", adierazi dute ekimeneko antolatzaileek. Hitzaldia entzuten 40 lagunetik gora izan dira.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.