Jostailu egokiak nola aukeratu azalduko dute bihar

Jostailu batzuk

Jostailuen bidez transmititu daitezkeen balioez ohartu eta jostailu egokiak aukeratzen laguntzeko hitzaldia antolatu du Txaloka ludotekak. Hitzaldia Txatxilipurdi elkarteko kide Itsaso Pagoagak emango du. Bihar, abenduak 14, izango da, Euskaldun Berria gelan, 18:00etan. Zaintza zerbitzua egongo da.

Jolasez eta jostailuez berba egingo du Pagoagak eta adibide praktikoak eramango ditu azalpenak emateko. "Jostailuen katalogoak, argazkiak eta iragarkiak eramango ditut jostailuez eta euren bitartez zabaltzen diren mezuez berba egiteko", azaldu du Itsaso Pagoagak. "Jostailu bat aukeratzeko orduan, garapen etapa bakoitzean zer jolas mota egiten den hartu behar da kontuan. Baita umearen testuingurua ezagutu ere, sexualitatea eta hizkuntza ahaztu gabe", dio Pagoagak. Galderendako tartea ere egongo da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.