Oñatiko Berdintasun Sailak hala eskatuta, Ainara Azpiazu Axpi margolariak dinamizatzaile lanak egin ditu gaur egunean zehar margotu duten muralean. "Lehenbizi bilera bat egin genuen, eta irudia zein izango zen erabaki. Proposamen batzuk eraman nituen eta leloa zein irudia erabaki genuen bilera horretan", adierazi du Azpiazuk.
Goizean hasi dira murala margotzen, 10:30ean, eta dinamizatzailearen esanetan, "jende askok" hartu du parte. "Nik diseinatutako eta gidatuta murala da, baina guztion artean, jende pila baten artean, egin dugu", azpimarratu du.
Pasabide iluna
Murala egin duten tunela, Oñatiko Errekalde eta San Lorentzo auzoak lotzen dituena, pasabide iluna izan da beti, argi gutxikoa eta ezuste bat baino gehiago eman dituena. "Toki iluna dela eta, Libria izan gura dot, ez balientia lemarekin, libre sentitzen diren emakume mota ezberdinak irudikatu nahi izan ditugu", azaldu du margolariak.
