Bihar Altsasun egingo duten manifestatzioarekin bat egin du udalbatzak

Atzo egindako osoko bilkuran aho batez onartu zuen udalbatzak bihar Altsasun egingo den manifestazioarekin bat egitea. Herritarrei bertan parte hartzeko gonbidapena egitea eta deialdia zabaltzeko eskura dituzten bitartekoak erabiltzea ere onartu zuten. Baita akordio honen berri Altsasuko Udalari jakinaraztea ere. Altsasuko gertakarien aurrean hango udaleko gehiengoak hartutako erabakia oinarri hartuta adostu dute akordio hau.