Liztor asiarraren habia bat baino gehiago kendu dituzte egun hauetan suhiltzaileek

Oihana Elorza Gorostiza 2016ko aza. 22a, 11:41
Suhiltzaileak habia kentzen atzo arratsaldean Ugarkalde auzoan

Hostoak jausi ahala zuhaitzak biluzten ari dira eta begien bistan gelditu dira liztor asiarraren habiak. Dei asko jaso dituzte udaltzaingoan. Atzo arratsaldean, esaterako, Ugarkalde auzotik kendu zuten habia bat suhiltzaileek eta gaur beste bi Garagaltza auzotik; hirugarrena ezin izan dute kendu altuegi zegoelako.

Herritarren deia jasotakoan, habia non dagoen ikusi eta Mankomunitatearekin jartzen dira harremanetan. Mankomunitateak badu langile bat pozoi botatzen duena horrelako habietara. Baina habia hori altuegi baldin badago edo inguruan etxebizitzak edo ikastetxeak baldin badaude, suhiltzaileei egiten diete dei.

Atzo arratsaldean Ugarkalde auzoan izan ziren Zubillagako suhiltzaileak eta gaur goizean Garagaltza auzoan. Bi kendu dituzte auzo horretan eta hirugarrena ezin izan dute kendu altuegi zegoelako. Horrelakoetan basozainari pasatzen diote abisua. Normalean zaku baten sartzen dituzte habiak suhiltzaileek, eta gero erre.

Horrelako habia bat ikusiz gero, udaltzaingora deitzea gomendatzen da. Telefonoa da: 943 08 10 00

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak