Euskal artzain txakurrak hezteko ikastaroa egingo dute

Euskal artzain txakur iletsua (Argazkia: wikipedia)

Euskal artzain txakurrendako heziketa-ikastaro laburra antolatu du Euskal Herriko Artzain Txakurren Elkarteak. Azaroaren 25ean izango da, Oñatin. Aurretik eman behar da izena.

Euskal artzain txakurra izan eta txakurra ardi-lanerako hezi nahi duen edozeinentzat da ikastaro hau. Txakurrik gabe ere entzule gisa parte hartu ahal izango du nahi duen edonork. Oskar Murgia izango da irakaslea eta hurrengo egubakoitzean, azaroak 25, egingo da, Oñatin, 09:30etik 14:00etara. Doan da ikastaroa baina aurretik eman behar da izena 656755183 telefono-zenbakira deituta edo zuzendaritzaehate@gmail.com helbidera idatzita. Hilak 21 aurretik egin behar da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.