Guria ostatua omendu du Ruper Ordorikak azken diskoan

Ruper Ordorikak datorren martitzenean aurkeztuko du azkeneko diskoa Bilbon. Guria ostatuan du izena hamaika abestiz osatutako lanak. Aurrekoetan bezala -Haizea Garizumakoa (2009), Hodeien Azpian (2011) eta Lurrean Etzanda (2014)-, New Yorkeko hainbat jazz musikari ospe handiduren laguntza izan du disko honetan ere. Disko osoa izan bitartean, hemen aurrerapena, Hamar negu singlea.

Hona hemen Guria ostatuan diskoaren gainean Elkar argitaletxeak dioena, aurkezpenaren zain…: "Arreta eta gogoa piztuko dizkiguten zenbait ezaugarri berezi biltzen ditu. Diskoa osatzen duten hamaika abestiok hari sentikor bati lotuak ageri dira, eta Ruperrek maisu batek bezala lotu ditu lan olistikoago bat lortuta".

Oñatiarrak bi kontzertu iragarri ditu ondorengo egunotan:

  • Oraingo domekan, azaroaren 13an, Usurbilen, Sutegi auditorioan.
  • Hurrengo egubakoitzean, azaroaren 18an, Ermuan. Antzokian.

Ondoren, beste hauek etorriko dira:

  • Abenduak 3: Soraluze. Zinema.
  • Abenduak 17. Bilbo. Kafe Antzokia
  • Urtarrilak 6. Donostia. Victoria Eugenia

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.