Mugikortasun planari buruzko informazio bilera egingo dute arratsaldean

Logoa

Mugikortasun iraunkorra helburuz, hiri-mugikortasun planaren barruan ekintza bat baino gehiago egitea pentsatu du Oñatiko Udalak eta horien gaineko informazio bilerak antolatu ditu. Bi egin dira, horietako bat merkatariekin, eta hirugarrena astelehenean, urriak 17, egingo dute. Bilera osoko bilkuren aretoan izango da, udaletxean, 18:30ean.

Udal ordezkariak egongo dira bilera ireki horretan eta euren planak zeintzuk diren azalduko dizkiete oñatiarrei bertatik bertara. Herritarrek, bestalde, aukera izango dute edozein zalantza argitzeko, adibidez, araututako aparkatze sistemaren oinarriak, ibilgailuek beharko duten baimen-txartelari buruzkoak, Ramon Irizarren jarriko duten piboteari edo zamalanen ordutegiari dagozkionak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.