Ikasturte berria hasten dute ikasleek

Eskolarako materiala (Argazkia: flickr.com)

Udako oporrak pasata, aste honetan hasiko dute 2016-2017 ikasturtea herriko hiru ikastetxeek.

Gaur, martitzena, hasiko dira eskolan Txantxiku Ikastolako HHko eta LHko ikasleak; irailaren 16ra arte goizez izango dituzte bakarrik eskolak. DBHkoak ere 6an hasiko dira baina hiru egun egingo dituzte goizetik bakarrik.

Urgain herri eskolan eguaztenean, irailaren 7an, hasiko dituzte eskolak eta hilaren 28ra arte goizetik bakarrik izango dituzte

Baita Elkar Hezin ere. Irailaren 7an hasi eta herriko jaiak bukatu ostean hasiko dira goizez eta arratsaldez txikiak eta gaztetxoak. DBH mailatik gorakoak irailaren erdira arte egingo dute bakarrik goizez.

Zaintza

Ikasturtea aste honetan hasiko badute ere zaintza zerbitzuak zabalik daude Elkar Hezin hilaren 1etik eta Txantxiku Ikastolan 5etik. Txiki Txoko haur eskolan gaur, irailak 6, hasi dute ikasturtea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.