Azken urteotan egin ohi den moduan, Aloña Mendi futbol taldeko kide esanguratsu izan zen Jose Luis Agirre zena omendu zuten atzo Azkoagainen. Horretarako, Aloñak eta Eibarko Urkik omenezko partidua jokatu zuten, eta 2-2 egin ondoren, penaltietan 3-0 irabazi zuten etxekoek.
Partidua hasi baino lehen, Agirre zenaren bi iloba eta emazteari lore sorta eman zioten, eta bi taldeen artean oroigarriak banatu ziren.
Penaltiz betetako partidua
Partidua, 17:00etan hasi zen, eta lehen gola Eibartarrek sartu zuten. Ondoren, etxekoek berdinketa lortu zuten Gaizka Irizarrek penaltiz sartutako golari esker. Markagailua berdin, etxekoen bigarren gola iritsi zen, hau ere penaltiz. Joseba Larreak ez zuen barkatu. Hala ere, Eibarko Urkikoek berdinketa egitea lortu zuten, eta 2-2 amaitu zen partidua.
Itxura ona eman zuen etxeko taldeak, eta denboraldiaurreko azken partidua jokatuta, datorren aste bukaeran, Azkoagainen jokatuko den Irungo Real Union taldearen aurka hasiko dute denboraldia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
