Xabier Alvarez de Eulate, Jose Luis Iriondo, Juan Arriola eta Xabier Egaña frantzizkotarren obra biltzen duen Arantzazuko arte-lantegia erakusketa ikusgai egongo da Gandiaga Topagunean.
Arantzazun erro sendoak zituzten lau artista horien zenbait pintura- eta eskultura-lan, Oteizaren itzaletan zein argitan haziak, Arantzazuko arte-lantegia izenburupean jarriko dira ikusgai, Arantzazuko Gandiaga Topagunean, irailaren 2tik urriaren 16ra. Bisita-ordutegia honakoa izango da: larunbatetan, 11.00etatik 14.00etara eta 17.00etatik 19.00etara eta igandeetan eta jaiegunetan, 11.00etatik 14.00etara.