Udako azken 'Espeleotxiki' irteera egingo dute bihar Arrikrutzen

Espeleologia kutsua duen bisita honetan, ohiko bisitetan ezagutzera iristen ez diren kobazuloko beste gela eta galerietan barneratzen dira bisitariak. Udan egitasmoak "arrakasta" izan duela adierazi dute Arrikrutzeko arduradunek.

'Espeleotxiki' egitasmoak iragan Aste Santuan eta aurreko urteetan izandako arrakasta ikusita, udako oporretarako ere hainbat txango antolatu dituzte Arrikrutzen. Uztailean haur eta guraso askok gozatu ahal izan zuten, eta abuztuan ere bi txango antolatu dituzte. 6an egin zuten lehenengoa eta bihar, zapatua, egingo dute azkena.

16 umek parte hartuko dute biharko abenturan, eta jendea kanpoan gelditu da ez baitago denendako tokia. izan ere, udan "arrakasta" izaten ari da 'Espeleotxiki' beste behin ere, kobazuloko arduradunen berbatan.

"Jendea animatu egin da, eta udan 'Espeleotxiki'k arrakasta izan duela esan daiteke", azaldu dute Arrikrutzeko arduradunek.

Erlazionatuak

Espeleotxiki Arrikrutzen

Oñati

Pasarelaz kanpo abentura familia osoarentzat. 6 urtetik gorako haurrei zuzenduta (heldu batek lagunduta). Aurrez erreserba egin behar da: 943.082000

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.