Lapurretak izan dira Oñatiko gaztetxean eta gazteendako lokal batean

Gaztetxean, bi proiektore, argazki bi argazki kamera, barrako musika ekipoa, bozgorailuak, bi ordenagailu eta dirua lapurtu dituzte. Gazteen lokal batean ere lapurtu dute, Olakua auzoan.

Gaztetxeari dagokionez, beheko komuneko leihotik –sarrerako ate ondoan dagoena– sartuko zirela uste dute gaztetxeko kideek. Izan ere, ez zegoen sarrailarik apurtuta eta zabalik zegoen leiho bakarra zela diote. Gainera, lapurtu duten guztia bertatik sartzeko modukoa dela ere baieztatu dute. Lekuko batzuen arabera, 2:00ak aldera izan da lapurreta.

16:00etarako asanblada deitu dute, gertatu dena aztertu, balorazio bat egin eta mota honetako gertaerei nola aurre egin erabakitzeko.

Bestalde, gazteen lokal batean ere lapurtu dute, leiho bateko barroteak apurtuta, Olakua auzoan. Udaltzaingoak baieztatu duenez, lokal horretara sartzen diren bigarren aldia da, urtebetean. Oraingoz, udaltzaingoak ezin izan du konfirmatu ze material lapurtu duten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.