Segurtasun Sailak jakinarazitakoaren arabera, atzo arratsaldean abisua jaso zutenetik ibili dira galdutako mendizalearen bila, 05:00ak arte ibili ere, "baina gauez bideetatik bakarrik ibili ahal izan gara; orain, 08:00ak ezkero berriro ere hasi da bilaketa, sakonagoa egin ahalko da, helikopteroa ere baliatuta; ahal bada, ze eguraldi eskasa dago, laino handia, eta horrek zaildu egingo du guztia".
69 urteko usurbildar gizonezkoa atzo ezkero galduta dabil Urbia-Aloña Mendi inguruetan. Arantzazutik atera zen goizean Aloña aldera, eta bueltatzen ez zela ikusita, arratsaldean Ertzaintzari abisatu zioten. Gau osoa eman dute haren bila, 05:00ak arte, baina ez dute aurkitu. 08:00ak ezkero ekin diote berriro ere bilaketari.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak