Nerea Diaz eta Eric Ugarte pozik Kanarietan egindako lanarekin

Kanarietan, Las Palmasen jokatu zituzten joan den asteburuan Espainiako Igeriketa Txapelketak, eta bertan lehiatzeko txartela zeukaten Aloña Mendiko igeriketa saileko Nerea Diazek eta Eric Ugartek. 

Oñatikoa moduko klub txiki batendako ez da nolanahiko meritua, beste urte batez, Espainiako Txapelketan ordezkaritza izatea, eta oraingoan Diazek eta Ugartek igerilari handien ondoan egin ahal izan dute igeri; esaterako, Olinpiar Jokoetan egongo diren Mireia Belmonterekin eta Markel Alberdirekin, hain zuzen ere. 

Lan ona eginda 

Txapelketan parte hartzearekin konformatu barik, Aloña Mendiko ordezkariek lan ona egin zuten, eta gustura bueltatu ziren han egindako lanarekin; besteak beste, aurretik marka hobeak zituzten igerilari asko atzean utzi ahal izan zituzten. 50 metroko seriean txukun jardun zuten biek –junior mailan lehiatu ziren biak–. Diazi dagokionez, 200 metroko bizkar lasterketako azken metroetan behera egin bazuen ere, 100 metroko bizkar estiloan Diaz finaletatik oso gertu egon zen –bi postu falta izan zitzaizkion–.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.