Ilunabarraz gozatzeko aukera, Aloñan

Seigarren urtez jarraian, mendizaleek, beste behin ere, hitzordua dute gailur honetatik, mendian bistaratu daitekeen ilunabar ikusgarrienetakoa ikusteko. Gailur hau, Gorgomendi (1295 m) izenez ere ezagutzen da. Ilunabarra eta iluntzea, zeruan ilargi betea agerian geratzen den bitartean, ibilaldia hain berezi egiten duten osagaiak dira. Hitzordua, uztailaren 16an, larunbatean, izango da Arantzazuko Parketxeko harrera-lekuan arratsaldeko 18:00etan.

Tontorrera 21:00etan iristea aurreikusten da; horregatik, denon artean banatzeko elikagai eta edaria eramatea aholkatzen da antolakuntzatik, izarren azpian edo Aizkorri mendilerroko mendi adierazgarri honen gurutzearen ondoan kokatutako mendi-aterpean egingo den afarirako. Itzulera gauean egingo denez, jaitsiera bidea seguruago egiteko, interesatuek linternak beharko dituzte.

11-12 kilometroko ibilaldi honek zailtasun ertaina dauka eta publiko mota ororentzat egokia da. Oinez 4 ordu egingo ditugun arren, afaria eta txabolara bisita dela eta, gaueko 11ak 12ak aldean jaistea aurreikusten da, eguraldi ona egiten badu behintzat.