Espainiako Gorteetarako Hauteskundeak 2016

Oñatin, EH Bilduk eskuratu ditu boto gehien

Ubane Madera 2016ko eka. 26a, 22:21

* 2015eko abenduaren 20ko hauteskundeetan, Ezker Batua eta Ahal Dugu ez ziren elkarrekin aurkeztu. Dena dela, konparaketa egiteko, alderdi biek bakarka lortu zituzten emaitzak batu ditugu zutabe bakarrean.

EH Bilduk segitzen du Oñatin lehen indarra izaten, EAJ eta Elkarrekin Ahal Dugu atzetik dituela. Hala ere, nabarmena da abenduko datuekiko izan duen boto galera. Hona zenbakiak: EH Bildu: 1.971 (%33,66); EAJ: 1.899 (%32,43); Elkarrekin-Ahal Dugu: 1.296 (%22,13); eta ondoren, boto alde handiagoarekin datoz sozialistak: 370 botorekin (%6,32). PPk emaitza berbera atera du: 215 (%3,67).

Ia 400 boto galdu ditu Oñatiko lehen indarra den EH Bilduk; 100 boto inguru galdu ditu, berriz, EAJk. Eta 300 boto pasa irabazi ditu Elkarrekin-Ahal Dugu koalizioak. Beraz, abenduan erakutsitako indarrari eutsi egin dio eta handitu ere egin du. Hori guztia erabaki dute botoa ematera joan diren 5.873 oñatiarrek. Abstentzioa, berriz, izan da %33,82koa.

Oñati