Aurreko aldian Guadalajarako Checa herrian (herriko %35ak gutxi gorabehera Arrazola abizena du bertan) egin zuten topaketa, eta oraingoan Oñatin burutu dute. Asteburua euren arbasoen jatorria izan zen herria ezagutzen igaroko dute, beraz, Kolonbiatik, Belgikatik, Ingalaterratik, eta Espainiako eta Euskal Herriko hainbat txokotatik hurbildu diren arrazolatarrak. Arraroa badirudi ere, munduan Arrazola abizena duten guztien %5a bakarrik bizi da Euskal Herrian.
Domeka, arbasoen baserria bisitatzeko aukera izango dute, Olabarrieta auzoan, eta ondoren meza bat ospatuko dute, hildakoen omenez. Gero, Arrazola herrira joango dira bisita egitera.
