Zazpi behi hil ditu oinaztu batek Mallan

Oñatiko Murgiako Bixain baserriko zazpi behi hil zituen atzo arratsaldean oinaztu batek Mallan. Horietatik bost, gainera, txahal egiteko zeuden. Beste 40 bat beheragoko pinudi baten babestu ziren eta zorionez ez zitzaien ezer gertatu baina zazpi horiek oinaztuak jotako izeiaren azpian gelditu ziren eta bertan hil ziren.

"Arratsaldean deitu zidaten gertatutakoa kontatzeko", adierazi du behien jabe Gotzon Inzak. Gauean igo ziren gertatutakoa ikusi eta arranak kentzera. "Disgustu eta amorru ona", dio atsekabez. Inoiz halakorik gertatu zaion galdetuta ezetz dio berehala. "Gogoan dut nola duela 30 bat urte 30 ardi hil zituen beste oinaztu batek Oñatin", dio, "baina guri ez zaigu inoiz halakorik gertatu". 

Behiak gelditu diren tokitik erretiratzeko ardura zeina den galdetuta, dio ez dakiela. Berak, baina, ezin duela lan hori egin gaineratu du: "Traktorearekin ere ezingo nintzateke bertaraino heldu".

 

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.