Kanporaketa zaila jokatu zuten atzo Oñatiko pilotariek Astigarragan. Kadeteetan, uste baino errazago irabazi zion Oñatiko bikoteak aurkariari. 22-9 amaitu zen partidua. Jubenilek eta nagusiek, aldiz, galdu egin zuten. Jubeniletan Astigarragakoen maila oso altua da eta hori argi gelditu zen emaitzan ere. 22-7 galdu zuten oñatiarrek. Nagusitan ere, ezin izan zen ezer egin.
Datorren zapatuan, hilaren 11n jokatuko dira bueltako partiduak Oñatiko Zubikoa kiroldegian arratsaldeko 18:00retan eta pilota saileko Josu Osaren esanetan "hanka eta erdi txapelketatik kanpo" badute ere, partidu txukuna egiten eta zaletuen aurrean itxura ona ematen saiatuko dira.
Bestetik, pozik dira taldeek orain arte egindako lanarekin. "Helburua beteta eta oso gustura gaude egindakoarekin", dio.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.