Julen Barrenak eta Endika Ruizek koordinatuko dute futbol saila

Julen Barrena eta Endika Ruiz, Aloña Mendiko K.E.ko jokalari ohiak, izango dira aurrerantzean futbol saileko koordinatzaileak. Dagoeneko lanean hasita daude zuzendaritza batzordeko kideekin batera, eta 2016/2017 denboraldiari begira planifikazioa egiten ari dira. Datozen egunotan elkartuko dira denboraldi honetan lanean aritu diren entrenatzaileekin, delegatuekin eta jokalariekin, eta kategoriaz kategoria talde teknikoak eta plantillak osatzen joango dira.