Murgia auzoan Asentzio jaiak ospatuko dituzte bihar eta etzi eta Kasablankan, berriz, San Isidro jaiak gaurtik, egubakoitza, domekara. 22:00etan hasiko den rock kontzertuarekin hasiko dituzte jaiak han. Murgian, berriz, zaldi proba izango da, adibidez, zapatu arratsaldean.
Murgian, besteak beste, 650 kiloko harriari tira egingo dio zaldi batek, eta lau mutil eta neska bik osatutako talde batek gauza bera egingo du ondoren. Horren segidan, Manex Urrutia auzotarrak harri-jasotzaile lanak egingo ditu. Asentzioko ermita aurrealdean izango dira proba horiek, bihar, 17:00etatik aurrera.
Kasblankan, berriz, 18:00etan jaitsiko da Ixidro basurdea eta iluntzerko pintxo-potearen ostean, 22:00etan kontzertua egongo da. Talde hauek joko dute: Egurra ta kitto, Olkakor eta Txipittu. Zapatu arratsaldean haurrendako tailerrak egingo dituzte, besteak beste, eta bigantxak eta poniak ere izango dira.
