Leku agerietatik emitituko du Oñati Irratiak datorren astean

Oñati Irratiko logo berria

Oñati Irratiak 25 urte beteko ditu maiatzaren 11n, eta, urteurren hori ospatzeko, ezohiko tokietatik egingo ditu datorren asteko irratsaioak.

Egun bakoitzean udal eraikin batean egongo dira Oñati Irratiko esatariak, Miren Urkiola eta Aratz Losada. Astelehenean, Turismo Bulegoan; martitzenean, kultura etxean; eguaztenean, gaztelekuan; eguenean, udaletxean; eta egubakoitzean, kiroldegian. Egingo dituzten irratsaioak ere ezohikoak izango dira, eta egun bakoitzean hamar bat lagunen bisita jasoko dute astebetez ibiltaria izango den irratian. Horrez gain, urte hauetan guztietan kolaboratzaile aritu diren hainbat herritarren akorduak ere jasoko dituzte, albisteekin eta eguneko errepasoekin ahaztu gabe. Logo berria ere erakutsiko dute.

Gonbidapena

Datorren asteko agertokietan, leku agerietan muntatuko dute irrati estudioa, herritarrek ikusteko moduan. "Bi hitz esan gura dituzten herritarrendako lekua ere izango da, libre izango dute eserlekua", adierazi du Miren Urkiola kazetariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.