Yllana antzerki taldeak 'The Gagfather' lana taularatuko du Santa Ana antzokian

Poliziak mafiosoa harrapatzen saiatzen. | Pepe.H

Madrildik datorren Yllana antzerki konpainiak mota ezberdinetako ikuskizunak egiten ditu, baina gaurkoan umore beltzez betetako antzerkiarekin izango da Oñatin, beraien estiloan barneratuta duten keinu kodea erabiliz.

Oñatiko Santa Ana aretoan The Gagfather lana taularatuko dute gaur, ongiaren eta gaizkiaren hausnarketa bat eginez, eta, bide batez, hainbat pelikulari omenaldi eginez; Aitajauna-ri esaterako. Luis Cao, Fidel Fernandez, Juan Fran Dorado eta Jony Eliasek antzeztutako obran, pertsonai ezberdinak interpretatuko dituzte, eta arropa aldaketa konstantea egingo dute. Emanaldia 22:30ean izango da eta sarrerak hamar euro balio du. Nahi duenak aurrez erosi ahal izango du sarrera, bibe.me webgunean.

Zinema beltza, umorez

Zinema beltzari keinu eginez, gangsterren istorio bat kontatuko da, umore beltzez betetako egoera zoroen bidez. Gangster talde batek hiria izutuko du. Pailazo maskarekin jantzita doaz, eta, drogekin trafikatzen duten bitartean, polizia burugabeak eurak geldiarazten saiatuko dira.

Era guztietan saiatuko da polizia gaizkileak harrapatzen, baina ondorio jostagarriak izango dituzte pertsekuzioan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.