Francisco Esnal Anso donostiarra zen jaiotzez, baina Oñatin zeregin ugari gauzatu zituen. Ume eta nagusiei kantua erakusten hasi zen eta 1895ean sortu zuen gaur egun parrokiako abesbatza dena.
Konpositore moduan ere lan bat baino gehiago egin zituen; tartean, Arantzazuko Ama Birjinaren salbea. 1902ko irailaren 21ean estreinatu zuten, Oñatin egin ziren euskal jaietan. Orduz geroztik urtero kantatzen hasi ziren Errosario bezperan, Julian Zelaia, organo jotzailea, hil zen arte (1970). Baina 80ko hamarkadan, tradizioa berreskuratuz, berriro hasi zen kantatzen parrokiako abesbatza, Egun ere abesten du, Oñati eta Ganbara abesbatzekin batera.
Seiluaren lau eredu egingo dituzte, 100 seilu guztira, eta Turismo bulegoan salduko dituzte.