Zapatuan jokatuko dituzte, Azkoagainen, beteranoen denboraldiko azken partiduak. Ligako zein kopako finalak jokatuko dituzte.
Kopako finala, Auschwitz eta Sasquatch taldeek jokatuko dute, 15:30ean. Ligako talde irabazlea, berriz, 17:00etan hasiko den partiduan erabakiko da, Zalaparta eta Kalañatasary taldeen artekoan. Lehen partidua, baina, 14:00etan izango da eta ligako 3. eta 4. postuak jokatuko dituzte Etxaixat eta Albok taldeek.
Zalaparta
Denboraldiko ezustekoa Zalaparta taldea izan da. Talde berria da, denboraldi honetan sortutakoa, eta finalera heldu da. Gainera, liga hasi aurretik San Migel jaietan Larrañako zelaian jokatzen den zazpiko futbol txapelketa irabazi zuen irailean, eta beteranoen liga erregularrean talde onena izan da.
Bestalde, maiatzaren 11n talde bakoitzeko ordezkari bat batzarrera, 19:00etan, joatea eskatu dute batzordeko kideek, fidantza hartzera.
