Acesma elkartekoak gustura herritarren erantzunarekin

Asko izan dira gaur ere Oñatiko herriko plazara hurbildu direnak gaur zortzi, Ekuadorren izan zen lurrikarak sortutako kalteengatik elkartasuna adierazi eta laguntzera. 

"Arrakasta itzela izan du Ekuadorreko produktuekin prestatu dugun azoka txikiak. Prestatutako jaki ia guztiak di-da baten saldu ditugu. Bihar, domekan zozkatuko dugun otarrerako txartelak ere asko saldu ditugu. Eskertzekoa da herritarren eta Baita Udalaren partetik ere jasotako erantzuna. Dagoeneko 2000 eurotik gora lortu ditugu. Hala ere, jendeari gogorazi gura diot luzaroan beharko dutela han gure laguntza, eta ez dadila, bada, gure laguntza hasierako egunetara mugatu", azaldu du Ibis Rodriguezek, Acesma elkarteko kideak.

Gaurko azokaz gainera, bihar goizean elkartasun futbol partidua egingo dute Larrañan. Hala ere, lagundu gura duenak aurrerantzean ere izango du aukera, Acesma elkartekoekin harremanetan jarrita edo Santander banketxean zabaldu duten kontuan dirua sartuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.