Bost bilera ireki egingo ditu Sarek herritarrekin

Oñatiko Sarek, maila nazionalean bultzatzen ari den 'Hartu Trena!' ekimenaren berri eman gura die, zuzenean, herritarrei eta bilerak egingo ditu datozen egunetan. Gura dute Sareren helburu eta asmoen gainean solasalditxo bat izatea.

Bilera hauek mokadutxo bat hartuaz egingo dira, eta herritar guztiei zuzenduta daude. Guztira bost egingo dituzte, datorren astean hasi eta maiatzaren 4ra bitartean. Izango dira: apirilaren 26an eta 27an, 19:00etatik 20:00etara; apirilaren 30ean, 11:00etatik 12:00etara; maiatzaren 3an eta 4an, 19:00etatik 20:00etara.
Bilera guztiak Sarek Eltzian duen egoitzan izango dira eta aurretik eurekin harremanetan jarri eta hartutako aukeraren berri emateko, helbide honetara bidali behar da mezua: sareonati@gmail.com.

Oñatiko Sare herri mugimendua indartzeko bideak ere landuko dituzte bileretan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.