Corpus bezperako lasterketa bertan behera gelditu da

Oihana Elorza Gorostiza 2016ko api. 18a, 12:44
2012ko Corpus bezperako lasterketa

Antxintxiketan Kirol Elkarteak jakinarazi du bertan behera gelditu dela maiatzaren 28an egitekoa zen Oñatiko XIV. nazioarteko lasterketa, "arrazoi ezberdinak" tarteko. Arrasate-Oñati eta San Silbestre eguneko lasterketak, baina, egingo direla argitu du Antxintxiketan-ek.

Arrazoi ezberdinak tarteko erabaki du Antxintxiketan Kirol Elkarteak Corpus bezperako nazioarteko lasterketa ez antolatzea. "Hiru lasterketa antolatzeak taldearentzat suposatzen duen lan kargaz gain, baliabide ekonomikoak ere oztopo dira aurtengoan lasterketa aurrera ateratzeko. Horrela, taldearen nahia herrian horren harrera ona duen lasterketa aurrera ateratzea denez, egoera aztertu, babesle berriak aurkitu eta konponbidea aurkitzen saiatuko da etorkizuneko ekitaldiei begira. Bide batez ere, Udalak oztopoen aurrean erakutsi duen jarrera txalotu nahiko genuke", adierazi du Antxintxiketan Kirol Elkarteak bidali duen prentsa oharrean.

Honekin batera, erabaki honek beste elkarteak antolatzen dituen beste bi lasterketetan ez duela eraginik izango ere argitu du Oñatiko taldeak: Arrasate Oñati  urriaren 8an izango da eta San Silbestrekoa abenduaren 31n. Torreauzoko lasterketaren antolakuntza lanak Abixaran taldeak egingo ditu aurten.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak