Txirrindulari bat harrapatu du autobus batek Elorregin eta larri zauritu da

Elorregiko biribilgunean, Oñatirako bidean, gertatu da harrapaketa, 17:00ak inguruan. Herrizaingo Sailaren arabera, 35 urteko gizonezkoa da; Mikel Guisado oñatiarra. Ziklista ibilgailuaren azpian geratu da harrapatuta eta berehala joan dira bertara suhiltzaileak eta anbulantzia. Bular aldean kolpe gogorra jaso du txirrindulariak —birika zulatu zaio— eta konortea erdi galdu du une batez. "Larri" eroan dute Gasteizko Santiago ospitalera. Odol putzua agerikoa zen tokian.