Irabazi egin du Aloña Mendik Azkoagainen

3 eta 0 irabazi dio Aloña Mendik Hondarribiari. Asier Ugartek sartu bi gol eta Endika Ruizek beste bat. Partidua hasi aurretik Pedro Maiztegiren eta Pako Zelaiaren Pako Triana, 50. hamarkadan jokalari izandakoak, aldeko minutu bateko isilunea gorde da.

Lehen zatian berdintasuna izan da nagusi Azkoagain futbol zelaian, eta ez da aukera garbirik egon ez ate batean, ez bestean. Hala ere, 40. minutuan Asier Ugartek area barruan jabetzarik ez zuen  baloi bat hartu du eta partiduko lehen gola lortu du. Horrela iritsi dira atsedenaldira (1-0).

Bigarren zatian oñatiarrak izan dira nagusi zelaian, eta nagusitasun horren ondorioz, Endika Ruizen eta Asier Ugarteren golak iritsi dira. Oñatiarrek gol gehiago lortzeko aukerak izan badituzte ere, 3 eta 0-koarekin amaitu da norgehiagoka. Merezitako garaipena Igor Serranoren mutilek lortu dutena. Datorren asteburuan Touring taldearen aurka jokatuko dute Aloña Mendiko jokalariek, etxetik kanpo.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.