Autobus zerbitzuak udako ordutegia izango du domekatik aurrera

Oñati eta Arantzazu arteko autobus zerbitzuak udako ordutegia estreinatuko du domekan. Beraz, domeketan eta jai egunetan, lehenengo autobusa 07:30ean irtengo da Oñatitik Arantzazura, eta 19:00etan izango da Arantzazutik herrira bueltatzeko azkenengoa.

Oñatitik Arantzazura autobusak goizeko 07:30etatik 18:30etara bitartean ordu oro irtengo dira igandetan eta jai egunetan, domekatik aurrera martxan jarriko den udako ordutegiarekin. 10:30etakoak Arrikrutzen geldialdia egingo du, eta eskatuz gero, Arrikrutzen geldituko dira baita ere 15:30etako eta 1630etako autobusak.

Arantzazutik Oñatira jaisteko autobusak, bestetik, 08:00etatik 19:00etara bitartean irtengo dira, eta geldialdia egingo dute Arrikrutzen 13:15etakoak eta 18:00etakoak.

Ordutegi guztia beheko taulan ikus daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.