Elikadura burujabetzari buruzko jardunaldiak izango dira apirilean Oñatin

Paul Nicholson izango da lehenengo gonbidatua (argazkia: EHNE)

Datorren hilabeterako, Debagoieneko baserri sareko Ortuzabalak elikadura burujabetza ardatz izango duten jardunaldiak antolatu ditu. Hala, lau egunez, gai horren inguruan lanean diharduten elkarte desberdinetako kide eta adituak Kultur Etxean izango dira hitzaldiak eskaintzen. EHNE eta Vía Campesina elkarteetako kide Paul Nicholson izango da lehen gonbidatua.

Honako hauek izango dira apirilerako antolatu dituzten hitzorduak:

  • Apirilaren 12an, 19:00tan: "Elikadura Burujabetza" hitzaldia, Paul Nicholsonen eskutik (EHNE, Via Campesina).
  • Apirilaren 15ean, 18:30etan: "Elikadura Burujabetza eta Ekonomia Feminista: elkar elikatzea" hitzaldi-tailerra, Esti Redondoren eskutik (EHNE, Etxalde).
  • Apirilaren 19an, 19:00etan: "Bide Berriak" dokumentala eta solasaldia, Mirene Zufiaurreren eskutik (BiziLur).
  • Apirilaren 22an, 19:00etan: "Proiektu agroekologikoak: ideien lurreratzea" hitzaldia, Aintzira Oñederra (Basherri Sarea) eta Mirene Begiristainen eskutik (EHU, Uztaro).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.