Natra Oñatik 87-57 hartu zuen mendean atzo, zapatua, Goierri Berkol taldea. Lehen laurdena (15-15) eta bigarrena (18-18) ezin parekatuago joan ostean, 33-33 heldu ziren atsedenaldira. Baina hirugarren laurdenean apurtu zen lehia, oñatiarrek erasoan denboraldiko laurden onena egin ostean. Ideia bat egiteko: bigarren zatian 11 alditan asmatu zuten hiruko marratik.
Hirugarren sailkatua den Urretxuko Goierri Berkol taldeak jipoi galanta jaso zuen Zubikoan. Lehen itzulian alderantziz gertatu zen: "Sekulako jipoia eman ziguten han eta badirudi patuak jipoi hori bueltan ematea erabaki duela. Bigarren zatian sekulako zenbakiak egin ditugu, partidu borobila atera zaigu".
Bestalde, Mondragon Unibertsitateak ere garaipena erdietsi zuen Tolosan, Take Tolosa taldeari 61-67 irabazita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
