Bertso desafio polita antolatu eta aurrera eroan zuten bertso eskolako ikasleek

Bertso desafioko une bat.

Esperientzia eta ikuskizun polita izan ziren egubakoitz ilunkaran Antixena gaztetxean Oñatiko bertso eskolako ikasleen eskutik. Izan ere, 16-17 urte arteko ikasleek antolatutako bertso desafioa izan zen. Dena ikasleek egin zuten: gaiak ipini, saioa aurkeztu, bertsolariak ekarri eta abestu. Ikusle aldetik ere, sarrera polita izan zuen saioak.

Oñatiko bertso eskolako Mirari Sagartzazuren esanetan, "oso positiboa" izan da ikustea ikasleak hasi direla eurak ere bertso saioak antolatzen.

Herrika, binakako txapelketa izan zen, eta publikoen botoek erabakitzen zuten txapelduna. Parte-hartzaileak honakoak izan ziren: Oñatitik, Urko Arregi eta Gontzal Belategi; Getaria-Zarauztik, Ane Peñagarikano eta Libe Goenaga; eta Donostia-Hernanitik, Beñat Mujika eta Andoni Mujika. Agurra ere taldeka egin zuten. Lehenengo, jardunalditxo bat egin zuten, ofizio desberdinekin. Publikoak bozkatu egin zuen eta irabazle izan zen Getaria-Zarautz taldea; bigarrena, Hernani-Donostia; eta hirugarrena, Oñati. Bozketa oso objektiboa izan zela argi dago, hortaz.

Gero, bertsolari onena aukeratu behar zen. Bi ariketa egin zituzten eta irabazlea Ane Peñagarikano izan zen.

Saio arina izan zen, ordu eta erdi ingurukoa. Saioaren ondoren, luntxa egin zuten.

Erlazionatuak

Bertso desafioa Oñatin

Oñati

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.