Kulturarako 70.000 euro emango ditu udalak

Oñatiko Udalak 70.000 euro emango ditu aurten kultura proiektuetarako eta programak gauzatzeko eta kultura sormenerako. Eskaerak egin daitezke dagoeneko.

Kultura proiektuak eta programak gauzatzeko diru laguntzak, kultura arloko ekintza bat edo programazio oso bat antolatzen duten talde eta erakundeek eskatu ditzakete. Betiere, proiektua Oñatin gauzatzen bada. 58.000 euro banatuko ditu arlo honetan.

Kultura sormenerako, berriz, 12.000 euro egongo dira, eta Oñatiko sortzaileei zuzenduta dago; talde eskatzailearen erdiak edo  banakako eskatzaileak Oñatin erroldatuta egon beharko dira.
Diruz babestea erabakitzen diren proiektuen sustatzaileek diru laguntzaren % 60 jasoko dute hasieran, eta gainontzekoa, egindako lanaren likidazioa aurkezten dutenean.

Diru laguntzen eskaera egiteko epea zabalik dago; martxoaren 12a aurretik egin behar dira, udaletxeko bulegoetan. Informazio gehiago jaso gura edo zalantzaren bat izanez gero, kultura etxera joan daiteke herritarra.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.