Haurrak janaria probatu gura ez duenean nola jokatu jakiteko hitzaldia

Neofobiari, jaki berriak probatzeko beldurra, buruzko hitzaldia antolatu du Txantxiki familia elkarteak. Edurne Maiz tolosarra izango da hizlaria, haurrengan elikagaiekiko mizkintasuna aztertu duen EHUko ikertzailea. Eguaztenean da hitzaldia, eta aurrez izena eman behar da.

Haurrak mizkinak zergatik diren, jatera behartu behar diren edo ez, jokaera mizkina era egoki batean nola kudeatu daitekeen, zer eta zenbat jan behar duten haurrek osasuntsu hazteko eta antzerako kezkak argitzen saiatuko da Maiz. Hitzaldira doazenen galderak ere erantzungo ditu.

Hitzaldira joateko aurrez eman behar da izena txantxiki@gmail.com helbidera mezua bidalita.

Hitzaldia eguaztenean da, hilak 10, 17:30ean, Eltzian. Txantxikiko bazkide ez direnek bost euro ordaindu beharko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.