Martxoak 8 nola ospatu adosteko batzar irekia egingo dute

Martxoak 8 ospatzeko prestaketa lanak egiten hasi dira Andraitz talde feministako kideak. Zer egin adosteko, baina, batzarra egingo dute hilaren 16an. Ekarpenak jaso gura dituzte, ideiak, eta horregatik herritar guztiendako zabalik egongo den bilera deitu dute.

Azken urteetan egin den bezala, aurten ere Zotzintxika lasterketa antolatzeko asmoa du Andraitzek. Zineklubeko arduradunekin ere egotekoak dira, Martxoak 8 egunaren aldarrikapenekin lotura duen filma bat botatzeko datorren hilabetean. Herriko emakume artisauen azoka egitea ere pentsatu dute.

Egitaraua ari dira osatzen baina Andraitzeko kideek jakin gura dute beste zer egin daitekeen edo herritarrek zer ikusi, entzun edo egin gura duten Emakumearen Nazioarteko Egunaren harira.

Ospakizun eta aldarrikapen egunerako ideiak eta ekarpenak jasotzeko bilera irekia otsailaren 16an egingo dute, 18:30ean, Andraitzek San Juan kalean duen egoitzan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.