Portaloi elkartekoekin batera ibili dira oñatiarrak 'Herrixa kantuan'

Kontzejupean elkartu dira Txantxiku Ikastolak eta Musika eskolak deituta hainbat herritar gaur eguerdian. Herrixa kantuan ekimenaren barruan, kalerik kale kantuan ibili dira. Gaurkoan, gainera, gonbidatu bereziak izan dituzte oñatiarrek; Arrasateko Portaloi kantu zale taldearen laguntza izan dute.

"Oso gustura" daude antolatzaileak gaurko ekitaldiak izan duen erantzunarekin. Hainbat herritar, eta Arrasatetik joandako 30 bat lagun elkartu dira. Ohi bezala, euskal kantu tradizionalak abesten ibili dira herriko kaleetan.

Antolatzaileek azaldu dute horrelako ekitaldietan jende nagusi gehiago elkartzen dela gazteak baino; "belaunaldien arteko eten" bat dagoela azaldu dute.

Gaurkoan, gainera, musika eskolako hainbat ikaslek ezin izan dute ekimenean parte hartu inauterietako entseguak izan dituztelako. 

Bazkaria Santa Lutzian

Kantuan ibili ostean, antolatzaile talde bat eta Arrasateko Portaloi taldeko kideak Santa Lutziako elkartera joan dira bazkaltzera. Giro ederren ibili dira.

Kantu liburua salgai

Gogoratu ikasturte honetarako kantu liburua atera dutela antolatzaileek. 2 euroren truke eros daiteke Ikastolako bulegoan edo Musika eskolan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.