2013tik laugarren lapurreta dute Oñatiko Azkoagain futbol zelaiko tabernan. Boladatxoa zeramaten lasai, baina astelehen gauetik martitzen goizaldera bitartean lapurrak sartu eta hankaz gora utzi zuten guztia. Arduradunen esanetan lapurrek ez dute dirurik eraman, baina kajoi guztiak miatu dituzte eta edari gutxi batzuk eraman. "Oraingo honetan ustea dugu diru bila sartu direla", esan diote Goienari.
Arduratuta daude Azkoagainen: "Futbol elkartearendako diru sarrera polita da taberna, eta horrelakoekin ezin lasai egon", adierazi dute. "Aurrekoetan edariak eraman dituzte, baina oraingoan beste zerbaiten bila sartu direla uste dugu".
Salaketa ipinita dago udaltzaingoan.