Nibologiari eta elur jauziei buruzko ikastaroa antolatu du Aloña Mendik

ARVArekin bilaketa bat egiten. | (Argazkia: eukenisoto.eu)

Otsailaren 5etik 7ra bitartean izango da eta aurretik eman behar da izena. Urtarrilak 27 da horretarako azken eguna.

Nibologia eta elur jauzietan nola jokatu behar den erakutsiko duten ikastaroa antolatu du Aloña Mendik otsailaren lehen astebururako. Nibologia eta elur jauzien gaineko saio teoriko eta praktikoa izango da eta bertan, elur-jauziak sortzen dituzten mekanismoak ezagutu, arrisku horien aurrean nola jokatu, elur jauziek harrapatutako biktimak aurkitzeko pausuak ezagutu, ARVAren erabilera eta era horretako bestelako kontzeptu gehiago ikasteko aukera izango da

Ikastaroak hiru egun iraungo ditu. Otsailaren 5ean Aloña Mendiko egoitzan saio teorikoa emango da eta otsailaren 6 eta 7an berriz, saio praktikoak egingo dituzte Gabarditon (Hecho bailaran). Ikastaroak 100 euroko  kostua du eta prezio horren barruan sartzen da ikastaroa bera eta aterpetxeko pentsio erdiko egonaldia. 

Ikastaroko plazak mugatuak dira eta urtarrilaren 27a da azken izena emateko. Aloña Mendiko mendi sailarekin harremanetan jarrita eman behar da izena. Horretarako bideak dira: alonamendi.mendi@gmail.com helbidera mezua bidalita edo asteazkenetan Aloña Mendiko bulegoetara joanda, 19:30etik 21:00etara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.